ԱՄՆ-ն Էբոլա տենդի մասին տեղեկություն է հրապարակել իր քաղաքացիների համար

10:13 • 17.10.14

ԱՄՆ-ն տեղեկություն է հրապարակել այն մասին, թե քաղաքացիներին ինչ է անհրաժեշտ գիտենալ Էբոլա տենդի մասին, գրում է lenta.ru-ն։

 

«Վտանգավոր վիրուսի բռնկման սպառնալիքը Միացյալ Նահանգներում շատ չնչին է, սակայն մենք ամենայն լրջությամբ ենք մոտենում այդ հարցին՝ կառավարության ամենաբարձր մակարդակով»,-ասել է ԱՄՆ նախագահ Բարաք Օբաման իր նստավայրում հիվանդության դեմ պայքարի ուղիների մասին երկու ժամ տևած խորհրդակցության արդյունքում։

 

Ինչպես նշվում է Սպիտակ տան պաշտոնական կայքում, նմանատիպ միջոցի կրառումը կոչված է նվազեցնելու բնակչության շրջանում խուճապի տարածումը։

 

Վաշինգտոնից հիշեցրել են, որ Էբոլա տենդի վիրուսը չի փոխանցվում օդակաթիլային ճանապարհով։ Վտանգավոր վիրուսը տարածվում է միայն մարդու օրգանիզմի արտադրած հեղուկների միջոցով՝ արյուն, թուք և այլն:

 

Բացի այդ, վարակվել հնարավոր է միայն այն դեպքում, երբ տեղի է ունեցել ուղիղ շփում վարակակիր անձի կամ կենդանու հետ։