Ֆինլանդիայում հարյուրավոր քուրդ ակտիվիստներ հանրահավաք են անցկացրել ԱԳՆ շենքի առաջ
Մի քանի հարյուր քուրդ ակտիվիստներ ուրբաթ խաղաղ ակցիա են անցկացրել Ֆինլանդիայի արտաքին գործերի նախարարության շենքի առաջ սիրիական Քոբանի քաղաքում «Իսլամական պետություն» ծայրահեղական խմբավորման գործողությունների դեմ, հաղորդում է ТАСС-ը:
Հանրահավաքի մասնակիցները միջազգային հանրությանը կոչ են արել վճռականորեն արձագանքել տեղի ունեցող իրդադարձություններին: Ակցիային ընդհանուր առմամբ մասնակցել է 300-400 մարդ:
Ակցիայի մասնակիցները ձեռքերում պահել են Քրդստանի դրոշը և «Փրկեք Քոբանին», «Դադարեցրեք պատերազմը և ռազմական հանցագործությունները», «Մենք քննադատում ենք «Իսլամական պետության» ահաբեկչական ակցիաները» պաստառներ:
«Քոբանիում քրդերին հարկավոր է ցանկացած տեսակի օգնություն: Մարդիկ մահանում են ամեն օր, այդ թվում՝ կանայք և երեխաներ: Այն, ինչ հիմա այնտեղ տեղի է ունենում, հոլիվուդյան ֆիլմ չէ»,- հայտարարել են կազմակերպիչները:










