Ղրղզ վիրաբույժները հովհարային անջատման ժամանակ ստիպված են եղել վիրահատությունը շարունակել բջջայինի լույսի ներքո (լուսանկարներ)
Ղրղզստանի սրտաբանական հիվանդանոցի վիրաբույժները վիրահատության ժամանակ հայտնվել են մթության մեջ: Հովհարային անջատում է տեղի ունեցել, որի ժամանակ նրանք օգտվել են բջջային հեռախոսի լույսից վիրահատությունը շարունակելու համար, գրում է Daily Mail-ը։
45-ամյա բժիշկ Կալդարբեկ Աբդարմանովը հանկարծակիի է եկել, երբ հոսանքը գնացել է անմիջապես վիրահատության ժամանակ։
Նա արագորեն փոխարինող միջոց է գտել և շարունակել կարևոր վիրահատությունը բջջայինի տեսախցիկի լուսավորությամբ։
Տեղի բնակիչներն այժմ դրամահավաք են կազմակերպել հիվանդանոցի համար հոսանքի գեներատոր ձեռք բերելու համար, որպեսզի նմանատիպ դեպքեր այլևս չկրկնվեն, քանի որ բժիշկները գործ ունեն մարդկային կյանքերի հետ։















