Աջարիայում փոթորիկ է, վնասվել է Բաթումիի նոր զբոսայգին
Աջարիայի սևծովյան ափին այսօր սկսված ուժեղ փոթորիկի արդյունքում հսկայական ալիքները վնասել են Բաթումիի նոր զբոսայգին, հայտնում է newsgeorgia.ru-ն։
Աջարիայի արտակարգ իրավիճակների կենտրոնի ծառայության պետ Մամուկի Տուրմանիձեի խոսքով՝ ալիքները վնասել եննոր զբոսայգու հեծանվային և հետիոտնային ճանապարհները։
Բացի այդ, Քոբուլետիում ուժեղ քամին պոկել է 2 ծառ, որոնցից մեկն ընկել է Թուրքիայի քաղաքացու մեքենայի վրա և վնասել հոսանքի լարերը, ինչի արդյունքում տեղացի բնակիչները մնացել են առանց էլեկտրաէներգիայի։
Տուրմանիձեն նշել է նաև, որ աղետի հետևանքով Զվարե գյուղի մոտ սողանքներ են եղել, որոնք փակել են ավտոճանապարհը։ Երթևեկությունն այս հատվածում վերականգնվել է մաքրման աշխատանքներից հետո։










