Honda-ն ներկայացրել է ֆուտբոլ խաղացող և պարող ռոբոտի, որը կարող է անգամ խմիչք լցնել Ձեզ համար (լուսանկարներ, տեսանյութ)

Ճապոնական տեխնոլոգիական հսկա Honda-ն իր առաջին ռոբոտին ներկայացրել է մոտ 30 տարի առաջ: Չնայած այն իր ժամանակների համար նորարարություն էր, սակայն E0 անվանումով մոդելն ընդամենը մի զույգ մետաղական ոտք էր, որին հինգ վայրկյան էր անհրաժեշտ մեկ քայլ անելու համար: Դրանից հետո ռոբոտը մի շարք զարգացումների և վերամշակումների է ենթարկվել, որոնց շնորհիվ այն դարձել է ավելի արագ և ամուր, գրում է Daily Mail-ը:

Այս շաբաթ Honda-ն ներկայացրել է իր վերջին առաջարկը՝ Ազիմո անունով խոսող, ժպտացող ռոբոտին, որը կարող է ֆուտբոլ խաղալ, աստիճաններով բարձրանալ և անգամ Ձեզ համար խմիչք լցնել:

Ազիմոն նախատեսված է կարիքի մեջ գտնվող մարդկանց՝ մեծահասակներին կամ աղետի գոտում գտնվող անձանց օգնելու համար:

Ռոբոտի վերջին տարբերակը Մեծ Բրիտանիայում իր դեբյուտն ունեցել է հինգշաբթի, Լոնդոնում WIRED կոնֆերանսի ժամանակ՝ ցուցադրելով գնդակների և խմիչքների հետ իր ունակությունները: