ԱՀԿ-ն մտադիր է Սենեգալը և Նիգերիան Էբոլայից ազատ գոտիներ հայտարարել

14:34 • 20.10.14

Առողջապահության համաշխարհային կազմակերպությունը մտադիր է Նիգերիան և Սենեգալն Էբոլայից ազատ երկրներ հայտարարել, քանի որ այնտեղ արդեն բավական ժամանակ է վարակի նոր դեպք չի գրանցվել, գրում է Daily Mail-ը։

 

Այն երկրները, որտեղ Էբոլայով վարակվելու նոր դեպքեր չեն գրանցվում ավելի քան 42 օր, համարվում են Էբոլայից ազատ տարածքներ։ Ընտրվել է 42 օր, որը կրկնակի գերազանցում է Էբոլայի ինկուբացիոն սովորական ժամանակահատվածը։

 

Մինչ վաղը, եթե նոր վարակի դեպք չգրանցվի, ապա Նիգերիան կհայտարարվի պաշտոնապես Էբոլայից ազատ երկիր։

 

ԱՀԿ-ն հայտնել է, որ Նիգերիայում և Սենեգալում իրավիճակը վերահսկողության տակ է վերցված, սակայն առավել տուժած Լիբերիան, Սիերա Լեոնեն և Գվինեան շարունակում են վարակի նոր դեպքեր գրանցել, նույնիսկ այն վայրերում, որտեղ թվում էր՝ ամեն ինչ վերահսկողության տակ է։

 

ԱՀԿ-ի մասնագետներից մեկը նշել է, որ սերմնահեղուկի մեջ այն կարող է գոյատևել մինչև 90 օր, այսինքն՝ չնայած 42- օրյա ինկուբացիոն ժամանակահատվածին՝ չի բացառվում, որ վարակի նոր դեպքեր կարող են ի հայտ գալ։

 

Աֆրիկյան երկրներից դուրս Էբոլայով վարակի դեպքեր գրանցվել են ԱՄՆ-ում և Իսպանիայում։ Կասկածներ կան նաև այլ երկրներում, սակայն դեռ ոչ մի պաշտոնական հաստատում չկա։

WHO said in the three worst affected countries, Liberia, Sierra Leone and Guinea, 'new cases continue to explode in areas that looked like they were coming under control'