Աֆղանստանում 3-ամյա փոքրիկը խաղում է հրազենով (տեսանյութ)
BBC հեռուստաընկերությունը ցուցադրել է մի տեսանյութ, որտեղ երևում է հրազենով խաղացող աֆղանստանցի 3-ամյա փոքրիկ։

Երեխան ապրում է Աֆղանստանի Վարդակ շրջանի Տանգի Վալիում, որտեղ «Թալիբան» իսլամիստական շարժումը վերահսկում է դպրոցներն ու դատարանները, գրում է Daily Mail-ը։
Երեխան հարցնում է, թե ինչու են իրենց նկարում, նրան պատասխանում են, որովհետև ինքը զենքով է, իսկ փոքրիկը պատասխանում է՝ «Զգո՛ւյշ եղեք, թե չէ կկրակեմ ձեզ վրա»։
Մի դպրոցական էլ ասում է, որ ցանկանում է ծառայել իր երկրին և իսլամին։
Արդեն 13 տարի պատերազմի մեջ գտնվող երկրում գրոհայինները վարժանքներ են անցկացնում՝ սովորելով ինչպես օգտագործել սպառազինությունների տարբեր տեսակներ, ինչպես նաև՝ ինչպես ընտրել նշանակետերը՝ օգտագործելով Google Maps ծառայությունը։
Դպրոցներում էլ շարժման անդամները երեխաներին կրոնական հայացքներ են պարտադրում։ Եթե աշակերտը չի ենթարկվում կամ «իրեն լավ չի պահում», ապա նրան պատժում են։

















