Հայտարարվել են 2015-ին ճանապարհորդելու համար լավագույն քաղաքները

18:04 • 22.10.14

Վաշինգտոնը հայտարարվել է 2015-ի ամենահետաքրքիր քաղաքը զբոսաշրջիկների համար, գրում է lenta.ru-ն։

 

ԱՄՆ-ի մայրաքաղաքին նման բախտի են արժանացրել Lonely Planet հրատարակության փորձագետները՝ ելնելով զբոսաշրջության ոլորտի առաջատար մասնագետների՝ լրագրողների, ճանապարհորդների, համակարգի վերլուծաբանների հարցման արդյունքներից։

 

Ընտրվել են ինչպես դասական և գովազդված ուղղություններ, այնպես էլ ոչ այդքան հայտնի վայրեր։
2015-ին ճանապարհորդելու համար ամենահետաքրքիր քաղաքների ցուցակն ունի հետևյալ տեսքը՝

  1. Վաշինգտոն (ԱՄՆ),
  2. Էլ Չալտեն (Արգենտինա),
  3. Միլան (Իտալիա),
  4. Ցերմատ (Շվեյցարիա),
  5. Վալետա (Մալթա),
  6. Պլովդիվ (Բուլղարիա),
  7. Սալիսբերի (Մեծ Բրիտանիա),
  8. Վիեննա (Ավստրիա),
  9. Չեննայ (Հնդկաստան),
  10. Տորոնտո (Կանադա):

 

Վաշինգտոնն առաջին տեղում է՝ ելնելով թանգարանների քանակից, առևտրային բազմազանության և սեռական փոքրամասնությունների հանդեպ բարյացակամ վերաբերմունքից։

 

Միլանն ընտրվել է «վախեցնող շքեղություն» ունեցող քաղաք լինելու համար։

 

Իսկ Տորոնտոյում 2015-ին անցկացվելու են Pan American Games խաղերը, որին արժե ուշադրություն դարձնել զբոսաշրջության տեսանկյունից։