Գերմանիան սպասում է Սարգսյան-Ալիև փարիզյան հանդիպմանը
Գերմանիան անհամբերությամբ սպասում է Հայաստանի և Ադրբեջանի նախագահների՝ հոկտեմբերի վերջին Փարիզում կայանալիք հանդիպմանը. Բաքվում հայտարարել է Գերմանիայի արտգործնախարար Ֆրանկ-Վալտեր Շտայնմայերը:
Նախարարի խոսքով՝ նա հանդիպել է Ադրբեջանի քաղաքացիական հասարակության ներկայացուցիչների հետ, որի ընթացքում քննարկվել է նաև Լեռնայի Ղարաբաղի խնդիրը:
«Գերմանիան չափազանց անհանգիստ է շփման գծում առկա լարվածությամբ, և ուշադիր հեետևում է իրավիճակին՝ ցանկանալով հակամարտության արագ կարգավորում»,-ասել է նա:
Շտայնմայերի խոսքով՝ Ադրբեջանը կարևոր դերակատարում ունի Գերմանիայի արտաքին քաղաքականության հայեցակարգում՝ շնորհիվ նաև այն հանգամանքի, որ ապահովում է Եվրոպայի էներգետիկ անկախությունը:
«Իմ այցն Ադրբեջան ուղղված է երկկողմ հարաբերությունների զարգացմանը»,-ասել է նախարարը:










