Բրիտանիայում սխալմամբ ազատ են արձակել 200 կալանավորի
Մեծ Բրիտանիայի արդարադատության նախարարությունը հայտնել է վերջին չորս տարվա ընթացքում սխալմամբ մոտ 200 կալանավորի ազատ արձակելու մասին, գրում է BBC-ի ռուսական ծառայությունը:
Նախարարության տվյալներով՝ ազատ արձակվածներից շատերը դատապարտված են եղել օրենքի ծանր խախտումների համար, որոնց թվում են սեռական հողի վրա հանցագործությունները և գողությունները:
Զեկույցում նշված պատճառների թվում են վաղաժամ ազատ արձակման պայմանները խախտած դատապարտյալներին կրկնակի ձերբակալելու հետ կապված խնդիրները, ձերբակալության հրամանների հետ կապված խառնաշփոթը և կալանքի ժամկետի սխալ հաշվարկը:
Գերատեսչության ղեկավար Էնդրյու Սելուն պնդում է, որ նման դեպքեր տեղի են ունենում հազվադեպ և մանրամասն քննվում են:
Արդարադատության նախարարությունը զեկույցում չի նշում, թե նշված կալանավորներից քանիսն է վերադարձել կալանավայր:










