Չինաստանում երկգլխանի գառ է լույս աշխարհ եկել (լուսանկար)
Չինացի ագարակատերը ապշահար է եղել` չհավատալով աչքերին, երբ մաքին երկգլխանի ձագ է ունեցել:
Ինչպես գրում է Daily Mail-ը` արտասովոր գառնուկը լույս աշխարհ է եկել Չինաստանի հյուսիսային Ներքին Մոնղոլիա նահանգի մայրաքաղաք Հոհհոտում: Կենդանին 4 աչք, երկու բերան և երկու քիթ ունի և ամբողջովին առողջ է երևում: Կենդանուն լուսանկարել են, երբ վերջինս 4 օրական է եղել:
Երկգլխանի կենդանիների մոտ ուղեղների պայքար է տեղի ունենում վերջույթները կառավարելու հարցում: Հայտնի է, որ երկգլխանի օձերի դեպքում գլուխներից մեկը փորձում է ուտել մյուսին:










