Ջիբրալթարում կապիկը հարձակվել է բրիտանացի զբոսաշրջիկի վրա, որից հետո նրա ձեռքին 40 կար են դրել
Ջիրբրալթարում հանգստանալիս բրիտանացի զբոսաշրջիկը հարձակման է ենթարկվել կապիկի կողմից, որից հետո նրա ձեռքին 40 կար են դրել:
Ինչպես հայտնում է Daily Mail-ը` բուժքույրերն այս հարձակումն անվանել են ամենաահավորը, որը երբևէ տեսել են: 53-ամյա Ստյուարտ Գրևնելը և նրա 22-ամյա որդին` Բրեդլին, քայլելիս են եղել Միջերկրածովյան բնական արգելոցում, որը բրիտանական տարածք է համարվում, երբ կապիկների խումբը մոտեցել է նրանց:
Ամենամեծ արու կապիկը, որի հասակը մոտ մեկ մետր էր, ցատկել է Գրևնելի վրա` ատամները խրելով նրա ձեռքի մեջ: Հիվանդանոցում նրան 20 անզգայացնող ներարկում են արել և 40 կար դրել մեկ դյույմ խորությամբ վերքին:














