Ամերիկացի միլիարդատեր Դոնալդ Թրամփի դուստրն այցելել է Ադրբեջան

12:02 • 24.10.14

Ամերիկացի միլիարդատեր Դոնալդ Թրամփի դուստրը՝ Իվանկան, այցելել է Ադրբեջանի մայրաքաղաք Բաքու։ Այդ մասին աղջիկը տեղեկացրել է Instagram-ում՝ տեղադրելով քաղաքի տեսարանով լուսանկար և տեսանյութ, գրում է Лента-ն։

 

Իվանկան առաջարկել է իր ընկերներին հիանալ քաղաքային տեսարանով, որը բացվում է Four Seasons հյուրանոցի պատուհանից։ Նա նշել է, որ «Բաքուն շատ հյուրասեր քաղաք է»։

 

Իր այցի նպատակների մասին 32-ամյա Իվանկան չի պատմել՝ նշելով, որ բացատրություններ կտա հաջորդ շաբաթ։

 

Ինչպես նշում են ադրբեջանական ԶԼՄ-ների ներկայացուցիչները, Իվանկան, հնարավոր է, Բաքու է այցելել գործնական նպատակով։ Այսինքն՝ ներկա գտնվելու Trump Tower բիզնես կենտրոնի բացմանը։ Սակայն պաշտոնական հաստատում տվյալ տեղեկությունը չի ստացել։