Մենք խնդրում ենք ողջ աշխարհի կանանց չթերագնահատել իրենց. ԻՊ-ի դեմ կռվող քուրդ կանանց ուղերձը (նկարներ, տեսանյութ)

12:48 • 24.10.14

«Մենք ցանկանում ենք, որ բոլորն իմանան, որ կինը տղամարդուց չի տարբերվում, երբ հարցը հասնում է երկիրը պաշտպանելուն». սա մի խումբ քուրդ կանանց ուղերձն է, որոնք զինվորագրվել են «Իսլամական պետություն» խմբավորման դեմ Քրդական ինքնապաշտպանական ջոկատի շարքերում կռվելու համար, գրում է Daily Mail-ը:

 

AK-17-ով մարզվող երիտասարդ կանանց խոսքերով՝ իրենք միացել են ջոկատին՝ ցանկություն ունենալով օգնել կանգնեցնել իրենց հայրենի բնակավայրերում ծայրահեղական խմբավորման առաջընթացը: Երիտասարդ կանայք մարզվում են իրենց տղամարդ հայրենակիցների կողքին և մասնակցում սիրիական Քոբանի քրդաբնակ քաղաքի մոտակայքում զորավարժություններին:

 

Քաջ մարտիկներից մեկն ասում է. «Նրանք վախենում են մեր զենքերից և սարսափում մեր ուժից: Մենք խնդրում ենք ողջ աշխարհի կանանց չթերագնահատել իրենց և հավատալ, որ նրանք ամեն ինչի կարող են հասնել»:

 

Երիտասարդ կանանց մի մասը ժամանակավորապես հրաժարվել է կրթությունից կռվին միանալու համար: 19-ամյա Նալինեն ասում է. «Ամեն անգամ, երբ դասի էի գնում, վախ էի զգում, այնպես որ հրաժարվեցի կրթությունից իմ երկիրն ու հողը և իմ ընկերներին իմ զգացած վախից պաշտպանելու համար: Ես զոհաբերել եմ իմ ապագան, որպեսզի օգնեմ մյուսներին կառուցել իրենց ապագան»:

 

Ինչպես գրում է Daily Mail-ը, Ահաբեկչության հետազոտության և վերլուծության կոնսորցիումի տվյալներով՝ Հյուսիսային Սիրիայի քրդական զորքերի մինչև 35 տոկոսը կանայք են:

Thity-five per cent of the Kurdish army are women as they defend their territory

One female soldier fires an AK-47 as she improves her target practice

The women train alongside the men as they continue to battle ISIS

Nineteen-year-old Naline fights against the fear that she felt while at school 

The women say their is no difference between their role and that of the men