Բրազիլիայում թունավոր ձուկ ճաշակած ընտանիքի 11 անդամ պայքարում է կյանքի համար
Բրազիլիայում բնակվող Սոուզաների ընտանիքը մահացու թունավոր ֆուգու ձկից պատրաստված ուտեստ է ճաշակել և այժմ պայքարում է կյանքի համար, գրում է Express-ը։
Քրիստիան Սոուզան և Խոսե Ավգուստոն հրավիրել էին իրենց ընտանիքի բոլոր անդամներին համտեսելու էկզոտիկ ձկից պատրաստված ճաշատեսակը, սակայն ճաշկերույթն այդքան էլ լավ ավարտ չի ունեցել։
Ֆուգուն աշխարհի ամենաթունավոր ողնաշարավորներից է: Այս փոքրիկ ձուկը կարող է մարդուն սպանել 24 ժամվա ընթացքում, այնպես որ ընտանիքի անդամներն առաջին իսկ պատառը համտեսելուց կորցրել են շարժվելու կարողությունը, ապա սրտխառնոց է սկսվել։
Ձկան թույնն անշարժացնում է զոհի մկանները։ Սխալ պատրաստված ուտեստի մեջ թափանցած թույնը ներթափանցել է նրանց օրգանիզմ։
Կինը հայտնել է, որ իր փեսան, դուստրը և թոռնիկը գտնվում են ծայրահեղ ծանր վիճակում, և նա աղոթում է իրենց ապաքինման համար։
Մասնագետները նշում են, որ մեկ ձկան թույնից կարող է 30 չափահաս մարդ մահանալ։












