«Իմ աղջիկն այլևս իմ աղջիկը չէ…» մայրը կայացրել է իր կյանքի ամենաբարդ որոշումը` թույլ տալով հիվանդ ու անօգնական դստերը` մահանալ
Բրիտանուհին շահել է Գերագույն դատարանի գործը իր հաշմանդամ ու անօգնական 12-ամյա դստեր կյանքը դադարեցնելու մասին:
Ինչպես հայտնում է Daily Mail-ը` Նենսի Ֆիցմորիսը կույր է ծնվել և տառապում է ուղեղում հավաքվող ջրով, մենինգիտով և սեփսիսով, որի պատճառով աղջիկն անկարող է խոսել, քայլել, ուտել կամ խմել:
Աղջիկը շուրջօրյա խնամքի տակ էր գտնվում լոնդոնյան հիվանդանոցում, որտեղ նրան կերակրում և դեղամիջոցներ էին ներարկում խողովակի օգնությամբ: Սակայն երբ հերթական վիրահատությունից հետո աղջիկն ընկավ հոգեվարքի մեջ և անընդհատ գոռում էր ցավից, նրա նվիրված մայրը` Շառլոտ Ֆիցմորիսը, կայացրեց Նենսիի կյանքը դադարեցնելու բարդ որոշումը:
«Իմ աղջիկն այլևս իմ աղջիկը չէ: Նա հիմա պարզապես մարմին է. նրա աչքերի լույսը մարել է` վերափոխվելով վախի և աղաչելով հանգստության մասին», - կնոջ հուզիչ ելույթից հետո դատարանը համաձայնել է օրինական ճանաչել նրա որոշումը և թույլ տալ իրականացնել այն:















