Էստոնական դպրոցում աշակերտը սպանել է ուսուցչին
Էստոնական Վիլյանդի քաղաքի դպրոցներից մեկի աշակերտը սպանել է ուսուցչին: Այդ մասին հայտնել է շրջանային դատախազությունը, գրում է gazeta.ru-ն՝ հղում անելով Postimees-ին:
9-րդ դասարանի աշակերտը սպանել է ուսուցչին, ով այդ պահին դաս էր անցկացնում: Ոստիկանությունը ստացել է համապատասխան հաղորդագրությունը տեղի ժամանակով ժամը 13:55-ին:
Աշակերտը ձերբակալվել է, ոստիկանությունն արգելափակել է դպրոցի շենքը: Ուսումնական հաստատության ղեկավարությունը դեռ հրաժարվում է կոնկրետ մեկնաբանություններից:










