Կոտայքում անասնագոմի փլուզման հետևանքով մահացած երիտասարդը գտնվում էր հետախուզման մեջ
Կոտայքում անասնագոմի փլուզման հետևանքով մահացած երիտասարդը գտնվում էր հետախուզման մեջ. այս մասին հայտնում են ՀՀ ոստիկանությունից։
Այս կապակցությամբ ոստիկանության տարածած հաղորդագրության մեջ ասվում է. «ՀՀ ոստիկանություն հոկտեմբերի 25-ին, ժամը 09.40-ին, ՀՀ ԱԻՆ Կոտայքի ՀՓՋ-ից ոստիկանության Կոտայքի բաժնում հաղորդում է ստացվել, որ Կոտայք գյուղից դեպի Կապուտան տանող ճանապարհին անասնագոմ է այրվում, և գոմում մարդ կա:
Նույն օրը, ժամը 09.55-ին, հիվանդանոցից ոստիկանությունում հաղորդում է ստացվել, որ Կոտայք գյուղից դեպի Կապուտան տանող ճանապարհի վրա անասնագոմ է այրվում, գոմում դիակ կա:
Մեկնած օպերատիվ խումբը պարզել է, որ 1972 թ. ծնված Լուիզա Մ.-ին պատկանող, Կոտայք գյուղի տարածքում տեղակայված անասնագոմին կից տնակում նույն օրը, ժամը 08.00-ի սահմաններում, հրդեհ է առաջացել, ինչի հետևանքով պայթյուն է տեղի ունեցել, այնուհետև առաստաղը փլվել է: Նշված տնակից հայտնաբերվել է 1986 թ. ծնված Էդգար Հայրապետյանի դիակը:
Ձեռնարկված օպերատիվ-հետախուզական միջոցառումների շնորհիվ պարզվել է, որ Էդգար Հայրապետյանը ս/թ հուլիսի 16-ից ոստիկանության Էրեբունու բաժնի կողմից հետախուզվում էր ՀՀ քրեական օրենսգրքի 179 հոդվածի 1-ին մասի /յուրացնելը կամ վատնելը/ մեղադրանքով:
Նշված շինությունում հայտնաբերվել է նաև 1964 թ. ծնված Սարկիս Զ.-ին պատկանող «Մեվրիկ» տիպի 12 տրամաչափի որսորդական հրացանը` առանց համապատասխան փաստաթղթի: Հանգամանքները պարզվում են:
Զենքն ուղարկվել է ՀՀ ոստիկանության ՓՔՎ: Նշանակվել է դիակի ԴԲՓ: Նախապատրաստված նյութերն ուղարկվել են ՀՀ քննչական կոմիտեի Աբովյանի քննչական բաժին»:










