Երևանի և Ամմանի միջև ստորագրվել է քույր քաղաքներ հռչակելու մասին համաձայնագիր

20:00 • 29.10.14

Հորդանանի Հաշիմյան Թագավորությունում պաշտոնական այցով գտնվող ՀՀ նախագահ Սերժ Սարգսյանի գլխավորած պատվիրակության կազմում Հորդանան այցելած Երևանի քաղաքապետ Տարոն Մարգարյանը Ամմանի գործընկերոջ՝ քաղաքապետ Աքել Բիլթաջի հետ, ստորագրել է Երևանն ու Ամմանը քույր քաղաքներ հռչակելու մասին համաձայնագիր:


Ինչպես հայտնում են Երևանի քաղաքապետարանի տեղեկատվության


և հասարակայնության հետ կապերի վարչությունից՝ երկու երկրների նախագահների ներկայությամբ ստորագրված փաստաթղթի համաձայն Հայաստանի և Հորդանանի Հաշիմյան Թագավորության մայրաքաղաքները պարտավորվել են փոխշահավետ գործակցություն ծավալել ու փորձի փոխանակում իրականացնել տեղական ինքնակառավարման, ներդրումների ներգրավման, կոշտ թափոնների կառավարման ու ջրամատակարարման և քաղաքային տնտեսության մի շարք այլ ոլորտներում: