Ռուսաստանի կառավարությունը պատրաստվում է մեծացնել երկրի տարածքը

18:03 • 29.10.14

Ռուսաստանի կառավարությունում որոշել են փոխել Արկտիկայում երկրի սահմանները, գրում է lenta.ru-ն: Այդ մասին Ռուսաստանի նախագահ Վլադիմիր Պուտինի հետ հանդիպմանը հայտնել է երկրի բնական ռեսուրսների նախարար Սերգեյ Դոնսկոյը:

 

Նրա խոսքով՝ երկրի տարածքը Հյուսիսային սառուցյալ օվկիանոսի շրջանում կարող է ավելանալ 1,2 միլիոն քառակուսի կիլոմետրով: Արկտիկայում սահմանները պաշտոնապես ընդլայնելու պաշտոնական հայտը ՄԱԿ-ին կներկայացվի 2015 թվականի գարնանը:

 

Այժմ Հյուսիսային բևեռը և դրան հարող Հյուսիսային սառուցյալ օվկիանոսի մասը չի պատկանում ոչ մի երկրի: Ռուսաստանը, Կանադան, Նորվեգիան, Դանիան և ԱՄՆ-ն Արկտիկայում ունեն բացառիկ տնտեսական գոտիներ, որոնք ձգվում են իրենց ափերից 370 կիլոմետր:

 

Այնուամենայնիվ, Ռուսաստանը, ինչպես և այլ երկրներ հավակնում են իրենց հատվածների շրջանակներում արկտիկական տարածքների մեծ մասին: