ԶԼՄ-ները հայտնում են Կիմ Չեն Ընի փոքր քրոջ ամուսնության մասին
Հյուսիսկորեացի առաջնորդ Կիմ Չեն Ընի փոքր քույրը հնարավոր է՝ ամուսնացել է, գրում է gazeta.ru-ն: Նշվում է, որ Կիմ Յո Ջոնի ընտրյալ է դարձել գաղտնի «39-րդ բաժնի» բարձրաստիճան աշխատակիցը:
Ենթադրյալ ամուսնության մասին պատմել է մի կորեա-չինացի գործարար, ով վերջերս այցելել է Փհենյան:
«Կիմն ամուսնության համար լավագույն տարիքին է հասել: Մարդիկ փորձում են կռահել՝ ով է նրա ամուսինը, քանի որ նա կարող է դառնալ ևս մեկ ազդեցիկ կերպար հյուսիսկորեական իշխանություններում»,- հայտարարել է գործարարը:
Իր հերթին՝ հարավկորեական հետախուզության ներկայացուցիչները մամուլին հայտնել են, որ դեռ ոչինչ հաստատված չէ:
Ենթադրվում է, որ Կիմ Յո Ջոնը մոտ 25-29 տարեկան է:










