Դուբայում նիհարելու մրցույթի հաղթողները կստանան 40 կգ ոսկի

14:24 • 30.10.14

Դուբայում անցկացվող նիհարելու մրցույթի հաղթողները կստանան 40 կգ ոսկի, հայտնում է РИА Новости-ն։

 

40 կգ ոսկու շուկայական արժեքն ավելի քան 1.6 մլն դոլար է։ Սա երկրորդ նման մրցույթն է, որն անցկացվում է Դուբայում։ Նախորդ տարի մասնակիցները որպես մրցանակ ստացել էին գրեթե 17 կգ ոսկի։

 

Այս տարի հաղթող է ճանաչվել 7.350 մարդ։ Նրանք կարողացել են 2 ամսվա ընթացքում նիհարել առնվազն 2 կգ և կստանան 1-ական գր ոսկի կորցրած յուրաքանչյուր կգ-ի համար։

 

Մրցույթի գլխավոր հաղթողը կհայտարարվի փակման պաշտոնական արարողության ժամանակ։ Հայտնի է միայն, որ նա գերազանցել է նախորդ տարվա ռեկորդը, երբ Դուբայում բնակվող սիրիացի ճարտարապետը, ով կշռում էր 150 կգ, կարողացել էր նիհարել 26 կգ-ով։