Էրդողանը բացել է նոր՝ 1000 սենյակ ունեցող նախագահական պալատը (լուսանկարներ, տեսանյութ)

18:03 • 30.10.14

Թուրքիայի նախագահ Ռեջեփ Թայիփ Էրդողանը հյուրերին հանդիսավորությամբ ներկայացրել է Անկարայում գտնվող նոր նախագահական նստավայրը, որն անվանվել է Նախագահական պալատ:

 

Ինչպես տեղեկացնում է Euronews-ը, հազար սենյակ ունեցող շինության շքեղությունը զայրացրել է ընդդիմությանը. դրա  կառուցման վրա ծախսվել է 270 մլն եվրո:

 

Էրդողանի քաղաքականության հակառակորդների կարծիքով՝  հուշարձանային այս շինությունը վկայում է Էրդողանի ավտորիտար հակումների մասին:

 

Շրջակա միջավայրի պահպանությամբ հետաքրքրվողները ևս դժգոհ են համալիրի կառուցումից, քանի որ շինարարության ընթացքում հարյուրավոր ծառեր են հատվել: aksam.com.tr aksam.com.tr

 

 

aksam.com.tr aksam.com.tr aksam.com.tr

 

 

 

Սկզբնական շրջանում պալատը պետք է ծառայեր որպես վարչապետի նստավայր, սակայն Էրդողանի՝ նախագահի աթոռը զբաղեցնելուց հետո կառույցի կարգավիճակը փոխվել է:

 

Թուրքիայի նախագահ Ռեջեփ Թայիփ Էրդողանը հաղթել էր Թուրքիայում 2014թ.-ին կայացած նախագահական ընտրություններում: