Ուկրաինան Ռուսաստանին գազի կանխավճարի երաշխիքներ չի տրամադրել

10:57 • 30.10.14

Ուկրաինան Ռուսաստանին խոստացել է միջոցներ գտնել ձմռանը 4 միլիարդ խորանարդ մետր գազի մատակարարումը վճարելու համար, հայտնել է Ռուսաստանի էներգետիկայի նախարար Ալեքսանդր Նովակը, գրում է «Взгляд»-ը:

 

«Հայտարարվել է, որ Ուկրաինան կգտնի այդ միջոցները: Նման բանակցություններ անցկացվել են Եվրահանձնաժողովի, միջազգային ֆինանսական կազմակերպությունների հետ: Մեզ հայտարարել են, որ 4 միլիարդ խորանարդ մետր գազի համար Ուկրաինան կգտնի միջոցներ այդ ծավալի գազի կանխավճարն ապահովելու համար»,- ասել է Նովակը:

 

«Խոսքը երաշխիքների մասին չէ, այլ ուկրաինական կողմի հայտարարությունների, քանի որ, ինչպես հասկանում եք, ոչ մի գրավոր երաշխիք այսօր մեզ չի ներկայացվել: Փող կլինի, կլինի գազ»,- ասել է Նովակը:

 

Հիշեցնենք, որ հոկտեմբերի 29-ին կայացել է Ռուսաստան- Ուկրաինա-Եվրահանձնաժողով հանդիպում՝ ռուսական գազի հարցով։ Բանակցությունները տևել են ավելի քան 12 ժամ։