Սանկտ Պետերբուրգում 10 մլն ռուբլու մուշտակ են գողացել

15:28 • 31.10.14

ՌԴ Սանկտ Պետերբուրգ քաղաքի թանկարժեք խանութներից մեկից մոտ 10.5 միլիոն ռուբլու գողություն է կատարվել, գրում է lenta.ru-ն՝ իրավապահ մարմիններին հղումով։

 

Ինչպես նշվում է՝ մոտ 10.5 միլիոն ռուբլի ընդհանուր արժողությամբ մուշտակները գողացվել են հոկտեմբերի 30-ի վաղ առավոտյան։

 

Գողերը եղել են դիմակներով, նրանք կոտրել են սրահի պատուհանները և ներս թափանցել։

 

LifeNews հեռուստաընկերությունը հայտնել է, որ գողացվել է ընդհանուր առմամբ բնական մորթուց 68 մուշտակ և 25 բաճկոն։