Իսլամիստները Սիրիայում Բեն Լադենի անվան դպրոց են բացել (լուսանկարներ)
Daily Mail-ը հայտնում է, որ Սիրիայի Մանբիջ քաղաքում «Իսլամական պետություն» խմբավորումն Ուսամա բեն Լադենի անվան դպրոց է բացել:
Այնտեղ կրոնական ինստրուկտաժի դասընթացներ են անցկացվում քաղաքի բնակիչների համար. հիմնականում՝ շարիաթի օրենքներ են մեկնաբանվում:
Իսկ բուն քաղաքում կախարդության և Աստծուն անարգելու համար հրապարակավ մարդիկ են գլխատվում: Դա դիտում է տղամարդկանցից և երեխաներից բաղկացած ամբոխը:
Այս ամենը հաստատող լուսանկարներ են տարածվում:




Ուսամա բեն Լադենն «Ալ Կաիդա» ահաբեկչական կազմակերպության հիմնադիրներից է: Ըստ ԱՄՆ զինված ուժերի տարածած պաշտոնական հաղորդագրության՝ սպանվել է 2011թ. մայիսի 2-ի առավոտյան Պակիստանի մայրաքաղաք Իսլամաբադից 100 կմ հեռավորության վրա գտնվող Աբոթաբաթ քաղաքում, ամերիկացի զինվորների իրականացրած հատուկ գործողությունների ժամանակ։










