Ամերիկացի գործարարն ավելի քան 6.000 տուն է գնել լքված Դետրոյթ քաղաքում (լուսանկարներ)
Մեկ այլ ցանկացած վայրում, որտեղ ներդնողը կորոշեր գնել հարյուրավոր լքված տներ, գործարաններ և եկեղեցիներ՝ յուրաքանչյուրի համար ծախսելով առնվազն 500 դոլար, նրան կհամարեին կոմերցիայի հանճար։ Սակայն խոսքը սնանկացած ԱՄՆ Դետրոյթ քաղաքի մասին է, որտեղ 6 350 անպիտան շինությունները 3.2 մլն դոլարով գնելը անմտություն է թվում, գրում է Обозреватель-ը։
Եվ, այնուամենայնիվ, նման մարդ գտնվել է։ Դա տեղացի գործարար Հերբ Սթրեթերն է։ Նա աճուրդում անհավանական գնում է կատարել՝ դառնալով «շատ վատ նմուշի» գնման միակ թեկնածուն։ Սակայն կան մի քանի օբյեկտներ, որոնք կարելի է անվանել «մարգարիտներ», օրինակ, մեկ լավ պահպանված ֆաբրիկա կամ երեք հարկանի թյուդորյան տուն՝ կառուցված 1915-ին, որը միայն տանիքը փոխելու կարիք ունի։
Այդ տներից առնվազն 3.000-ը ենթակա է քանդման։ Հարյուրավոր տների վերանորոգումն այնքան ներդնում կպահանջի, որ ավելի հեշտ կլինի չսկսել։ Տեղի իշխանությունների գնահատականով, ընդհանուր առմամբ, միայն մոտ 1.000 օբյեկտներ կարող են «փրկվել», այդ պատճառով էլ վաճառքի հանելիս նրանք առանձնապես հույս չեն ունեցել, որ որևէ մեկը կգա աճուրդին, և մտադիր էին ամբողջը փոխանցել Detroit Land Bank բանկին։
Սակայն այժմ Սթրեթերը և նրա գործընկերները, գործարքի խիստ կանոնների համաձայն, պետք է 6 ամսվա ընթացքում քանդեն բոլոր անպիտան շինություններն իրենց միջոցներով և համաձայնեցնեն տարածքի վերականգնման նախագծին։ Հակառակ դեպքում, ամեն ինչ կրկին կանցնի բանկին։
Գործարարը համարում է իրեն իր քաղաքի զավակը։ «Կարծում եմ, ես ծնվել եմ սա անելու համար։ Վերականգնումը սիրո իրական ստեղծագործություն կլինի»,- ասել է նա։ Սթրեթերը երազում է, որ քաղաքում յուրաքանչյուր ընտանիք ունենա նոր տուն, հարևանությամբ գտնվեն ռեստորաններ և մանրածախ առևտրի խանութներ։



























