Վրաստանի վարչապետը պատրաստ է Պուտինի հետ հանդիպման, բայց «ոչ հիմա»

11:42 • 01.11.14

Վրաստանի վարչապետ Իրակլի Ղարիբաշվիլին հայտարարել է, որ հետագայում պատրաստ է հանդիպել ՌԴ նախագահ Վլադիմիր Պուտինի հետ, հայտնում է newsgeorgia.ru-ն:

 

«Կա Պուտինի հետ հանդիպման պատրաստակամություն, սակայն այն պետք է լավ նախապատրաստել, և մենք պետք է այդ հանդիպմանը կենտրոնանանք արդյունքի վրա»,- ասել է նա:

 

Միևնույն ժամանակ, վարչապետն ասել է, որ մոտ ապագայում նման հանդիպում ծրագրված չէ:

 

Ավելի վաղ ՌԴ նախագահի հետ հանդիպման պատրաստակամության մասին հայտարարել էր Վրաստանի նախագահ Գեորգի Մարգվելաշվիլին, ըստ նրա՝ գլխավոր թեման պետք է լինեն վրաց-ռուսական հարաբերությունների խնդրահարույց կողմերը, առաջին հերթին՝ Վրաստանի տարածքային ամբողջականության հարցը: