10 ազդեցություն, որ գործում է կոկաինը մարդու օրգանիզմի վրա

Business Insider-ը, հիշատակելով անցյալ շաբաթ Հոնկոնգի բանկի կառավարչի տանը կոկաին հայտնաբերելու մասին տեղեկատվությունը, որը հրապարակվել էր Wall Street-ում, ներկայացնում է 10 ազդեցություն, որը տվյալ թմրանյութը կարող է թողնել մարդու օրգանիզմի վրա:

1. Կոկաինը էյֆորիա է առաջացնում և ուժեղացնում է զգացողությունները` հանգեցնելով մտավոր ակտիվության` ազդելով հատկապես տեսողության և ձայնի վրա:

2. Այն ակտիվացնում է ուղեղի` կախվածության համար պատասխանատու հատվածը:

3. Այն այնքան գրավիչ է, որ կարող է ցանկություն առաջացնել` պարզապես դիտելով, թե ինչպես են ուրիշներն օգտագործում այն:

4. Այն մահացու է, քանի որ սահմանափակում է արյան հոսքը դեպի սիրտը:

5. Կոկաին օգտագործողների մոտ սրտի կաթված ստանալու հավանականությունը 24 անգամ ավելի մեծ է:

6. Այն նվազեցնում է ուղեղի մոխրագույն նյութը, որը վերահսկում է հիշողությունը, որոշումներ ընդունելու ունակությունն ու ուշադրությունը, ինչն էլ նպաստում է արագ տեմպերով ծերացմանը:

7. Այն քայքայում է սպիտակուցները, որոնք պատասխանատու են հաճույքի զգացողության համար, ինչն էլ հանգեցնում է ընկճվածության:

8. Այն խափանում է ախորժակը` բերելով քաշի կորստի:

9. Կոկաինի նյութափոխանակիչները կարող են հայտնաբերվել մեզի մեջ՝ 48 ժամվա ընթացքում:

10. Մազի փորձաքննությունը 90 օրվա ժամկետում հայտնաբերում է կոկաինի օգտագործման ապացույցները: