Nissan–ը ավելի քան 50.000 ավտոմեքենա է ետ կանչում

Ճապոնական Nissan ընկերությունը հայտարարել է ԱՄՆ-ի շուկայից մոտ 53.000 ավտոմեքենաների հետ կանչելու մասին, գրում է Корреспондент-ը։

Բոլոր մեքենաների հետ կանչելը կապված է անվտանգության բարձիկների անսարքությունների հետ։

Որոշումը վերաբերում է Nissan Pathfinder, Nissan Sentra, Infiniti FX35, Infiniti FX45, Infiniti I35, Infiniti M35 և Infiniti M35 մոդելներին, որոնք թողարկվել են 2003-2006թթ. ընթացքում։

Ըստ ընկերության, նրանցում հնարավոր է, որ տեղադրվել են անսարք անվտանգության բարձիկներ, որոնք արտադրել է ճապոնական Takata ընկերությունը։

Պարզվել է, որ վթարի դեպքում անվտանգության բարձիկները կարող են սխալ բացվել, պայթել կամ մեքենայում գտնվող մարդկանց վրա մետաղի մասնիկներ նետել։

Հայտնի է, որ այդ անսարքության պատճառով արդեն 4 մարդ է մահացել։ Nissan-ը խոստացել է անվճար վերանորոգել բոլոր հետ կանչված մեքենաները։