BMW-ի էլեկտրամեքենաները կարող են լիցքավորվել փողոցային լուսավորության սյուներից (լուսանկարներ)

BMW Group գերմանական ավտոկոնցեռնը մշակել և ստեղծել է այնպիսի փողոցային լուսավորության սյուներ, որոնք համալրված են հատուկ վարդակներով՝ էլեկտրական տրանսպորտային միջոցները լիցքավորելու համար, գրում է 3dnews.ru-ն։

Նորույթը կոչվում է Light and Charge և ստեղծվել է երկու նախատիպով։ 

Ընկերությունը նախատեսում է լիցքավորման սյուների հանրային փորձարկումները սկսել հայրենիքում՝ Գերմանիայում, արդեն իսկ հաջորդ տարվանից։

Նորաստեղծ սարքը փորձնական տեղադրվել է Մյունխենի գլխավոր գրասենյակի հարևանությամբ, հայտնում է Reuters-ը՝ BMW-ին հղումով։

էլեկտրամեքենաները կարող են մոտենալ և կայանել սյուների կողքին՝ լիցքավորման նպատակով։ Այն հնարավորություն է տալիս միանալ ցանկացած փողոցային լուսավորության համակարգի և լիցքավորել ցանկացած էլեկտրամեքենա։

Լիցքավորման ծառայության դիմաց վճարները հնարավոր կլինի իրականացնել բջջային հավելվածի օգնությամբ։

BMW-ն համարվում է էլեկտրամեքենաների շուկայի ակտիվ մասնակից։