Գերմանիայում 47 մլն տարի առաջ բնակված հղի ձիու լավ պահպանված մարմին են գտել

23:18 • 10.11.14

Գերմանացի հնագետները Դարմշտադտում գտնվող Մեսսելի քարհանքում (Messel Pit), որը նախկինում ածխահանք է եղել, ձիու լավ պահպանված մարմին են գտել, որն ապրել է միլիոնավոր տարիներ առաջ:

Ինչպես ներկայացնում է Daily Mail-ը` գտածոն իրենից ներկայացնում է 47 մլն տարի առաջ բնակված հղի զամբիկի մարմին, որը ջուր է խմել, հավանաբար, հրաբխային գազերով թունավորված լճից:

Ձիու մարմինը` նրա չծնված քուռակի հետ միասին, նոր տեղեկություններ է տալիս գիտնականներին այս հնագույն կենդանիների մասին: Նրանք բացահայտել են, որ չնայած չափսերի ու ձևի մեջ առկա մեծ տարբերությանը` հնագույն ձիերը հիմնականում շատ նման են եղել ներկայիս ցեղակիցներին:

Հնագույն ձիերը 4 մատ են ունեցել առջևի թաթի վրա և 3` հետևի, իսկ չափսերով նման են եղել ներկայիս ֆոքստերյերին: