Սաուդյան Արաբիայում աղջիկն ստիպված է եղել ոստիկանություն դիմել` խույս տալու հոր ընտրած 90-ամյա փեսացուի հետ ամուսնությունից
Սաուդյան Արաբիայում աղջիկն ստիպված է եղել ոստիկանություն դիմել` պաշտպանելու իրեն հոր նախաձեռնած ամուսնությունից:
Ինչպես հայտնում է Daily Mail-ը` 17-ամյա աղջիկն սկզբում համաձայնել է իրենց տանը տեսած 20-ամյա տղայի հետ ամուսնանալու հոր առաջարկին, սակայն երբ եկել է ամուսնական պայմանագիրն ստորագրելու պահը, աղջիկը սարսափով պարզել է, որ փաստաթղթում գրանցված նրա ապագա ամուսինը մոտ 100 տարեկան մարդ է, ով բնակվում է ուրիշ քաղաքում:
Հրաժարվելով ընդունել պայմանագիրը` աղջիկը տուն է վերադարձել և ոստիկանություն կանչել, որպեսզի թույլ չտան հորը՝ իրեն Մեդինա ուղարկել` փեսացուի մոտ:
Գործը, վերջիվերջո, դատարան է փոխանցվել, որտեղ որոշվել է, որ նրա ամուսնությունը պետք է անվավեր ճանաչել:










