5-ամյա տղան դարձել է աշխարհի ամենաերիտասարդ համակարգչային մասնագետը` որակավորում ստանալով Microsoft-ից

Այան Քուրեշին 5 տարեկանում Microsoft Windows-ի քննություն հանձնելուց հետո դարձել է աշխարհի ամենաերիտասարդ որակավորված համակարգչային մասնագետը:

Ինչպես ներկայացնում է Daily Mail-ը` տղան, ով նոր էր ընդունվել միջնակարգ դպրոց, հանձնել է քննությունը Բիրմինգհեմ Սիթիի համալսարանում` ստանալով Microsoft-ի պրոֆեսիոնալ մասնագետի վկայագիր:

Այսպիսով՝ տղան նոր համաշխարհային ռեկորդ է սահմանել` դառնալով ամենաերիտասարդ անձը, ով երբևէ Microsoft-ի քննություն է հանձնել 5 տարեկան 11 ամսական հասակում` գերազանցելով նախորդ ռեկորդի հեղինակ 6-ամյա պակիստանցի Մեհրոզ Յավարին:

Այան առաջին անգամ համակարգչին ծանոթացել է 3 տարեկանում, և նրա հայրը շուտով զգացել է որդու բնական վերաբերմունքն ու հակվածությունը տեխնոլոգիաներին: