Apple-ն iPad և iPhone օգտագործողներին առաջարկել է աջակցել ՁԻԱՀ-ի դեմ պայքարին

Apple ընկերությունը և iOS հավելվածների մշակողներն առաջարկել է ընկերության բջջային սարքավորումներն օգտագործողներին աջակցել ՁԻԱՀ-ի դեմ պայքարին՝ խոստանալով վճարովի հավելվածների ներբեռնումներից ստացված եկամուտը փոխանցել RED բարեգործական հիմնադրամին, հայտնում է Лента-ն։

«App Store հավելվածները RED-ի համար» արշավը նվիրված է դեկտեմբերի 1-ին ՁԻԱՀ-ի դեմ պայքարի համաշխարհային օրվան և կտևի նոյեմբերի 24-ից մինչը դեկտեմբերի 7-ը։

RED հիմնադրամի գործունեության հիմնական ուղղվածություններից մեկը վիրուսը մորից երեխային փոխանցելու դեպքերի նվազեցումն է։ ՁԻԱՀ վարակով ծնված երեխաների քանակը 2002-ի 1500 դեպքից նվազել է մինչև 650–ի ընթացիկ տարում։ Դեղամիջոցները, որոնք օգնում են կանխել մորից երեխային վիրուսի փոխանցումը, արժեն օրական մոտ 40 ցենտ։