19-ամյա բրիտանուհին տառապում է տարօրինակ կախվածությամբ, որն ստիպում է նրան՝ սպունգ ուտել

Բրիտանուհի Ռոզի Սքիները շաբաթական երկու մեծ սպունգ է օգտագործում, բայց ոչ թե մեքենան կամ լոգարանը մաքրելու համար, այլ՝ ուտելու:

Ինչպես գրում է Daily Mail-ը`19-ամյա աղջիկը 5 տարեկանից ի վեր տառապում է տարօրինակ կախվածությամբ: Սյուրեյ կոմսության Էփսոն քաղաքում բնակվող ուսանողուհին սպունգը կտրատում է փոքր մասերի և ծամում դրանք օրվա ընթացքում, ինչպես շատ պատանիներ օգտագործում են շոկոլադը կամ չիփսերը:

Տարօրինակ խանգարումը ստացել է Պիկա (Pica) անվանումը, որով բնորոշվում է այն հիվանդությունը, որով տառապող մարդիկ ուտում են տարբեր իրեր, որոնք նախատեսված չեն ուտելու համար և որևէ սնդարար արժեք չունեն:
Հայտնի են դեպքեր, երբ մարդիկ ուտում են ապակի, ավազ, մոմ, գորգ և սպունգ: