Ամերիկացի վարորդը ջախջախել է նախօրեին ձեռք բերած 1.15 մլն դոլար արժողությամբ McLaren P1 սուպերքարը (լուսանկար)

19:00 • 28.11.14

2015 թվականի McLaren P1-ն արտադրվել է ընդամենը 375 օրինակով, որոնցից մեկի տերը ջախջախել է իր 1.15 մլն դոլար արժողությամբ նոր սուպերքարը և հրաշքով ողջ մնացել վթարից հետո:

Ինչպես հայտնում է Daily Mail-ը` վթարը տեղի է ունեցել Դալլասում՝ չորեքշաբթի առավոտյան, երբ 24 ժամից էլ պակաս ժամանակ էր անցել մեքենայի երկտուրբո V8 մոդելը գնելուց հետո:

Քննիչի խոսքով` 27-ամյա վարորդը կորցրել է մեքենայի վերահսկողությունը ճանապարհին թաց տեղով անցնելուց հետո և բախվել պատնեշին: Վարորդն ու 24-ամյա ուղևորը վնասվածքներ են ստացել:

350 կմ/ժամ առավելագույն արագությամբ սուպերքարը, որը 100 կմ/ժամ-ը հաղթահարում է 2.8 վայրկյանում, գնվել էր երեքշաբթի: