Գաստրոնոմիական խանգարմամբ ծնված 4-ամյա տղան տարեդարձին իրականացրել է իր երազանքը` առաջին անգամ լողալով

Գաստրոնոմիական խանգարումներով ծնված ավստրալացի փոքրիկն իրականացրել է իր երազանքը` 4-ամյա տարեդարձը նշելով իր առաջին լողով:

Ինչպես հայտնում է Daily Mail-ը` Վիկտորիայում բնակվող Ջեյլեն Քորնիշը ծնվել է գաստրոշիզիս համախտանիշով, որի դեպքում աղիները ձևավորվում են որովայնից դուրս,  ինչը նշանակում է, որ նա չի կարող ուտել կամ խմել:
Փոքրիկն իր կյանքի առաջին երկու տարին հիվանդանոցում է անցկացրել մայրիկի հետ, և այժմ նրա այս հաջողությունը մեծ հաղթանակ է երկուսի համար:

Նման համախտանիշով ծնվում է 4000 երեխայից մեկը: Այս մասին բժիշկները տեղեկացրել են, երբ նրա մայրը 14 շաբաթական հղիության ընթացքում հետազոտություն էր անցել: Ծնվելուց հետո երեխան 10 վիրահատություն է տարել` հեռացնելու աղիների չգործող մասն ու կերակրելու խողովակներ տեղադրելու համար:


Նա արդեն 22 վիրահատություն է տարել և 6 ամիս է, ինչ դուրս է գրվել հիվանդանոցից: Նրան հետևողական խնամք է անհրաժեշտ, և երեխայի մարմինը պետք է հնարավորինս չոր մնա, որպեսզի բացառվի բորբոքում ստանալու հավանականությունը: