Ճապոնացին 6 ամիս ճամփորդել է` անցնելով 7000 կմ տարածություն, որի հետագիծը պատկերել է «Ամուսնացի'ր ինձ հետ» արտահայտությունը

Շատ են եղել ամուսնության առաջարկները, որոնք հնարավոր է եղել տեսնել տիեզերքից, սակայն Ճապոնիայով մեկ իրականացված ճանապարհորդությունը համալրել է յուրահատուկ առաջարկների ցանկը:

Ինչպես ներկայացնում է Daily Mail-ը` ճապոնացի նկարիչ Յասուշի Տակահաշին թողել է իր աշխատանքն ու ճամփորդություն ձեռնարկել`անցնելով 7,000 կմ տարածություն վեց ամսում: Ճամփորդության մեծ մասը ճապոնացին անցել է ոտքով, երբեմն`մեքենայով կամ հեծանվով:

 GPS տեխնոլոգիան գրանցել է նրա անցած ճանապարհը`Հոկայդո կղզուց մինչև Կյուսու կղզի, որտեղ ավարտվել է ուղևորությունը, որից հետո տեխնոլագիայի միջոցով պատկերվել է նրա անցած ուղին, որը ցույց էր տալիս Marry Me (Ամուսնացի'ր ինձ հետ) արտահայտությունը` սիրտ և աղեղ վերջում:

 Յուրաքանյուր այցելված վայր նա ընտրել է՝ նախապես ծրագրելով, որի արդյունքում պետք է ստացվեր նախատեսված գրությունը: իր արշավի միջոցով  31-ամյա ճապոնացին վավերագրական նյութ է պատրաստել քայլելու արվեստի մասին, թե ինչպես այն կարող է բերել արտառոց երևույթների: