Facebook-ը հեշտացրել է հին հրապարակումների մեջ որոնումը

Facebook սոցիալական ցանցը որոշել է կատարելագործել հրապարակումների պատմության մեջ որոնումների համակարգը: Ծառայության էջում տեղադրված հաղորդագրության մեջ ասվում է, որ այժմ օգտատերերին հասանելի կլինի արագ որոնման գործառույթը, հաղորդում է gazeta.ru-ն:

Այժմ համակարգը կաշխատի անհատականացված ձևով: Որոնման տողում հավաքելով որևէ բառ, օգտատերը կտեսնի ոչ միայն դրա հետ կապված ամենահայտնի էջերը, այլև ընկերների այն գրառումները, որտեղ այդ բառը հիշատակվել է:

Թարմացված որոնման համակարգը հասանելի կլինի ինչպես համակարգչի, այնպես էլ բջջային հավելվածների օգտատերերի համար: