Գիտնականները մտադիր են բացահայտել Լուսնի ծագման գաղտնիքը

Լուսնի վրա մարդու վայրէջք կատարելուց հետո մոտ 50 տարի է անցել, և այժմ բրիտանացի գիտնականները մտադրիր են վայրէջք կատարող  մեքենա (lander) ուղարկել Երկրի արբանյակի հարավային բևեռ:

Ինչպես գրում է Корреспондент-ը` BBC-ին հղումով, եթե նրանք հաջողության հասնեն, ապա հնարավոր է` բացահայտեն Լուսնի ծագման գաղտնիքը:

«Լուսնի առաքելություն-1»-ի շրջանակում նախատեսվում է Լուսնի հարավային բևեռ ուղարկել սարքավորում, որը կօգնի բացահայտել Լուսնի առաջացման գաղտնիքը: Այս առաքելության նախնական նպատակը  հարավային բևեռի ուսումնասիրությունն է, որը մինչ օրս չի ուսումնասիրվել: