10 լավագույն սմարթֆոնները` ըստ Business Insider-ի (լուսանկարներ)

Ամանորյա տոները մոտենում են, և մարդիկ մտածում են, թե ինչ նվեր գնել իրենց սիրելի մարդկանց համար: Նվերների ցանկում նոր տեխնիկան, հատկապես՝ սմարթֆոնները, շատ պահանջված են: Ուստի՝ նոր սմարթֆոնների անծայրածիր շուկայում ճիշտ կողմնորոշվելու համար The Business Insider-ը հրապարակել է 10 լավագույն սմարթֆոնների ցանկը: Պարբերականը ներկայացրել է սարքերի տեխնկական բնութագիրն ու գները:

(շարքը՝ վերջից)

10. Google Nexus 5

Ամերիկյան Google ընկերության Nexus 5 սմարթֆոնը գործում է Android օպերացիոն համակարգով և ավելի արագ է թարմացումները ստանում, քան Android-ով գործող որևէ այլ հեռախոս: Սմարթֆոնի միակ թերությունը տեսախցիկն է, որն այդքան էլ հզոր չէ: Nexus 5-ի գինը 349 դոլար է:

9. Sony Xperia Z3

Ճապոնական Sony ընկերության Z3 հեռախոսն այս տարվա լավագույն մոդելներից է: Այն ջրակայուն է, ունի 5.2 դյույմանոց էկրան, հրաշալի տեսախցիկ: Հեռախոսի գինը 630 դոլար է:

8.  Samsung Galaxy S5

Հարավկորեական Samsung ընկերության վերջին Galaxy S5 հեռախոսն ունի երբևէ սմարթֆոնների համար պատրաստված ամենաորակյալ էկրանը: Դրա տեսախցիկը ևս բարձր է գնահատվել, իսկ ինչ վերաբերում է սարքի գնին, ապա այն արժե 610 դոլար:

7. Nexus 6

Google-ի ամենաթարմ սմարթֆոնը Nexus 6-ն է, որն ունի հսկայական` 6 դյույմ անկյունագծով էկրան: Այն պատրաստվել է Motorola ընկերության կողմից, և առաջին սմարթֆոնն է, որը գործում է Android համակարգի նոր տարբերակով`Lollipop-ով: Սմարթֆոնի գինը 649 դոլար է:

6. OnePlus One

Չինական OnePlus  ստարտափի ստեղծած One սմարթֆոնն ունի 5.5 դյույմանոց էկրան, հրաշալի ծրագրակազմ և արժե ընդամենը 300 դոլար:

5. Moto X

Motorola ընկերության նոր Moto X սմարթֆոնը, որը ներկայացվել է սեպտեմբերին, կարող է մրցել լավագույն Android-հեռախոսների հետ: Այն ունի 5.2 դյույմանոց էկրան ու տեխնիկական բնութագրով շատ նման է Nexus 5-ին: Սարքի գինը 500 դոլար է:

4. HTC One (M8)

Թայվանական HTC ընկերության HTC One (M8) սմարթֆոնն ունի Android օպերացիոն համակարգ, գեղեցիկ դիզայն, հզոր տեսախցիկ և բարձրորակ մետաղական կոնստրուկցիա: Դրա գինը 540 դոլար է:

3. Galaxy Note 4

Samsung-ի նոր Galaxy Note 4-ը, ըստ աղբյուրի, ընկերության պատրաստած ամենալավ սմարթֆոնն է: Այն ունի 5.7 դյույմանոց որակյալ էկրան, մասնակիորեն մետաղական կոնստրուկցիա և 750 դոլար գին:

2. iPhone 6 Plus

Սմարթֆոնների ու պլանշետների միավորման կողմնակիցներին առավել դուր կգա Apple  ընկերության iPhone 6 Plus-ը, որը բարակ է, պատրաստված է մետաղից, ունի գեղեցիկ դիզայն: Դրա գինը սկսվում է 749 դոլարից:

1. iPhone 6

Apple-ի արտադրած iPhone 6-ը շուկայի լավագույն սմարթֆոնն է, քանի որ այն գեղեցիկ դիզայնի, հետաքրքիր հավելվածների, մեծ էկրանի կատարյալ համադրություն է: Սմարթֆոնի գինը սկսվում է 649 դոլարից: