Շվեյցարացիները շարժական ղեկով ավտոմեքենա կստեղծեն (լուսանկարներ)

Rinspeed  շվեյցարական ընկերությունը, որը հայտնի է իր արտասովոր կոնցեպտային մեքենաներով,  ներկայացրել է Budii անվանումով  նոր անօդաչուի նախատիպի գծագրերը: Մեքենայի գլխավոր առանձնահատկությունը տեղափոխվող ղեկանիվն է:

Ինչպես գրում է Motor.ru-ն` նախատիպի  ստեղծողների մտահղացմամբ` անօդաչուն ուղևորների համար «իրական ընկեր» պետք է դառնա: Ավտոմեքենան նախատեսված է ոչ երկարատև ամենօրյա ուղևորությունների համար: Տեխնիկական հատկությունների մասին մանրամասներ ընկերությունը դեռևս չի ներկայացրել: Հայտնի է միայն, որ ղեկասյունը ռոբոտացված է և կարող է տեղաշարժվել կառավարման ճակատային վահանակի երկայնքով:

Rinspeed-ի մեկնաբանմամբ` այս գործառույթը անհրաժեշտ է, երբ վարորդը ցանկանում է հանգստանալ մեքենա վարելիս: Նա կարող է միացնել  ինքնավար համակարգը կամ փոխանցել ղեկը ուղևորին:

 Budii-ի հանրային դեբյուտը կկայանա 2015-ի մարտի 5-ին` Ժնևի ավտոսրահում:

«Անօդաչու» մոդելը` Tesla Model S-ի հիման վրա