Շվեդական ամրոց-բանտում փորձեր են իրականացրել բանտարկյալների վրա (լուսանկարներ)

Դարեր առաջ շվեդները տեղեկացել են, որ Ամերիկայում հանցագործներին տեղավորում են մենախցերում, որպեսզի նրանց վրա այլ հանցագործներ վատ ազդեցություն չունենան և իրենք ժամանակ ունենան մեկուսացման մեջ մտածելու իրենց արարքների մասին, գրում է bigpicture.ru-ն։

Շվեդներին դուր է եկել այդ միտքը, և նրանք Կառլստենի ամրոցը վերափոխել են այնպես, որ այդտեղ հնարավոր լինի պահել բանտարկյալներին ամբողջական մեկուսացման մեջ։
Կառլստենի ամրոցը գտնվում է Մառստրանդսոն կղզում:

Այդ ժամանակ այնտեղ տեղակայել են 3 մեկուսարան և տեղավորել 3 բանտարկյալի։ Պայմաններն այնքան խիստ են եղել, որ նույնիսկ պահակներն իրավունք չեն ունեցել ներս մտնել։

Փորձը ձախողվել է, քանի որ երկու բանտարկյալներ մեկուսացման մեջ մահացել են ձանձրույթից և մարդկային շփման կարոտից, իսկ միակ ողջ մնացած բանտարկյալը խելագարվել է։

Ամրոցը փակվել է, և այն այլևս որպես բանտ չի օգտագործվում։ Միակ հիշողությունը, որ մնացել է, ամրոցն է և ներսում պահպանված իրերը։

Պահպանվել են նաև բանտարկյալներից մեկի մատնահետքերը պատուհանի տակ գտնվող քարին, որի վրա հենվելով՝ հավանաբար բանտարկյալը փորձել է դուրս նայել։ 

Այժմ ամրոցը և կղզին դարձել են զբոսաշրջիկների սիրելի վայրը։