Իսրայելում 2.800 տարի առաջ կառուցված ասորական գինեգործարան են հայտնաբերել (լուսանկարներ)

Իսրայելի Թել Ավիվ քաղաքի մոտակայքում 2.800 տարի առաջ կառուցված ապշեցնող գինեգործարան են պեղել, գրում է Daily Mail-ը։

Մ.թ.ա մոտ 740-ին կառուցված գինեգործարանն օգտագործվել է և՛ ասորեստանցիների, և՛ հին հույների կողմից։

30.5 x 39.6 մետր չափերի շինությունն օգտագործվել է մի քանի քաղաքակրթությունների կողմից՝ հարյուրավոր տարիների ընթացքում։

Շինությունում գտնվել են նաև հնձաններ, խաղող ճզմելու հարմարանքներ և խաղողի հատիկների ամբարներ, ինչպես նաև՝ մի քանի հունական մետաղադրամ։

Շինությունն իր մեջ տեղավորում է շուրջ 23 սենյակ։ Այն հայտնաբերվել է Իսրայելի հնագիտական վարչության (Israel Antiquities Authority) կողմից։

Պեղումները ղեկավարել է Ամիթ Շադմանը, ով նաև հայտնել է, որ շինությունը կառուցվել է Ասորեստանի կողմից Իսրայելի նվաճման ժամանակ։