Ամերիկացին «թռչող» տախտակ է պատրաստել (լուսանկարներ, տեսանյութ)

ԱՄՆ-ի Տեխաս նահանգի բնակիչ Ռայան Քրեյվենը, օգտագործելով իր հնարամտությունն ու ձեռքի տակ եղած պարագաները, պատրաստել է «թռչող» տախտակ: Ինչպես նշում է lenta.ru-ն, արդյունքում ստացվել է «Հետ դեպի ապագա» ֆիլմից «թռչող» տախտակի համարժեքը:

Աղբյուրը նշում է, որ Քրեյվենը համացանցում հրապարակել է բոլոր այն ցուցումները, որոնց հետևելու դեպքում կարելի է տնային պայմաններում այդպիսի տախտակ պատրաստել: Դրա համար հարկավոր կլինի ծախսել ընդամենը 250 դոլար:

Սարքը թույլ է տալիս տարբեր մանյովրներ անել, սակայն շատ աղմկոտ է ու հաճախ վայր է գցում տիրոջը:

Հետաքրքրական է, որ ուշագրավ գյուտի հեղինակը մասնագիտական կրթություն չունի և մատուցող է աշխատում: