Եգիպտոսում 1 մլն-ից ավելի մումիաներով գերեզմանատուն է հայտնաբերվել (լուսանկարներ)

11:11 • 18.12.14

Հնագիտական պեղումների արդյունքում Եգիպտոսի կենտրոնական հատվածում հայտնաբերվել է բացառիկ գերեզմանատուն, որում կա 1.000.000-ից ավելի մումիացած մարմին:

Ինչպես նշում է dailymail.co.uk-ը, մասնագետներն արդեն դուրս են հանել 1.700 մումիա, որոնք բավական լավ են պահպանվել մայրաքաղաք Կահիրեից 96 կմ հեռավորության վրա գտնվող անապատում:

Հնագետների կարծիքով՝ մումիաներն այստեղ են թաղվել մոտ 1.500 տարի առաջ, երբ Եգիպտոսը կառավարում էին Հռոմեական ու Բյուզանդական կայսրությունները:

Ենթադրվում է, որ այստեղ թաղվածները սովորական մարդիկ են եղել, այլ ոչ թե ազնվազարմ անձինք: Հետաքրքրական է, որ մարդկանց թաղել են ըստ նրանց մազերի գույնի: Օրինակ` բաց և մուգ գույնի մազերով հանգուցյալներին թաղել են առանձին-առանձին: