Աշխարհի ամենախոր կետում ձկան նոր տեսակ է հայտնաբերվել. լուսանկար

Աշխարհի ամենացածր կետում՝ Մարյանյան փողրակում, հայտնաբերվել է նոր ձկնատեսակ: Այս մասին հայտնում է ամերիկյան ABC News-ը:

Սպիտակ գույնի անհայտ ձուկը հայտնաբերվել է 8,145 մ խորությունում: Նա ունի մոտ 20 սմ երկարություն, երկար ու շատ նուրբ լողակներ: Նշվում է, որ նախկինում որևէ ձկնատեսակ նման խորության վրա չի հայտնաբերվել:

Շոտլանդիայի Աբերդինի համալսարանի գիտնականները կարծում են, որ հայտնաբերվածը լիպարիս է՝ խխնջաձկների ցեղատեսակից: Դրա տեսակային պատկանելությունը վերջնականապես հնարավոր չէ հաստատել, քանի դեռ բռնված չէ կենդանի նմուշ

Մոտ երեսուն օր շարունակ Խաղաղ օվկիանոսում գիտարշավ-ուղևորություն է իրականացրել Falkor օվկիանոսագնացը: