Հնագետները Գալիլեայի ծովի ափին հնագույն քաղաքի ավերակներ են հայտնաբերել, որտեղ Քրիստոսը քարոզում էր աշակերտներին

21:01 • 23.12.14

Գալիլեայի ծովի ափերին հնագույն սինագոգ է հայտնաբերվել, որը, ըստ քրիստոնեական կազմակերպության, որին պատկանում է տարածքը, այն տաճարն է եղել, որտեղ Հիսուս Քրիստոսը հավաքել է իր աշակերտներին և քարոզել:

Ինչպես ներկայացնում է Daily Mail-ը` հնագետները պեղումներ են կատարել Իսրայելի հյուսիսային Միգդալ քաղաքի 2000-ամյա ավերակներում, որոնք թվագրվում են 1-ին դարին: Համարվում է, որ այդ քաղաքը գտնվում է հնագույն Մագդալա քաղաքի ավերակների վրա, որը Հիսուսի ամենահավատարիմ հետևորդներից մեկի` Մարիամ Մագդաղենացու ծննդավայրն է:

Գալիլեայի ծովի արևմտյան ափին նոր հյուրանոց կառուցելու նախապատրաստական աշխատանքների համար իրականացվող պեղումների ժամանակ հնագետները մանրակրկտորեն փորագրված քար են հայտնաբերել, որի վրա պատկերված է մենորա 7 տեղանոց մոմակալը, որը հուդաիզմի խորհրդանիշն է:

Այժմ «Քրիստոսի լեգեոններ» քրիստոնեական կազմակերպությունը, որին պատկանում է պեղումների տարածքը, որտեղ հայտնաբերվել է սինագոգը, հայտարարում է, որ այնտեղ, հավանաբար, քարոզչություն է իրականացրել Հիսուսը:

Հիշեցնենք, որ Գալիլեայի ծովի հյուսիսարևմտյան ափին հնագետներն անցյալ տարի ևս մեկ հայտնագործություն էին արել` հայտնաբերելով Դալմանուտա բիբլիական քաղաքը:

The synagogue ruins, pictured, were first uncovered in 2009 and they are thought to date back 2,000 years

The site of the ancient synagogue had been covered in litter and weeds for years before excavations began

This stone, with carvings on each site and the top including one of a seven-branched candelabrum, was found in what was the main hall of the synagogue, which also had a mosaic floor and plaster walls