Android օպերացիոն համակարգը գաղտնալսում է օգտատիրոջն ու միշտ գիտի նրա գտնվելու վայրը. հետազոտություն

Ամերիկացի մասնագետներն ուսումնասիրության արդյունքում պարզել են, որ Google ընկերության ստեղծած Android օպերացիոն համակարգի հավելվածներն իրականում գաղտնալսում են օգտատերերին, գիտեն նրանց գտնվելու վայրն ու մատչում ունեն դեպի անձնական տվյալները:

Ինչպես նշում է dailymail.co.uk-ը, մանկական Happy Fish խաղն այնպես է ծրագրավորված, որ կարողանում է իմանալ օգտատիրոջ գտնվելու վայրը, ինչպես նաև` հասանելիություն ունենալ լուսանկարներին: Նաև կարողանում է կարդալ տեքստային հաղորդագրությունները: 

Նշվում է, որ նույնպիսի ծրագրավորում ունեն Fruit Ninja խաղն ու Android հավելվածների կեսից ավելին: